“Visa" şirkəti Azərbaycanda qadınlara sahibkarlıq istiqamətində dəstək göstərəcək
Bakı, 26 oktyabr, AZƏRTAC
"Visa" şirkəti olaraq növbəti illərdə Azərbaycanda qadınlara sahibkarlıq istiqamətində dəstək göstərəcəyik.
AZƏRTAC xəbər verir ki, bunu "Visa" şirkətinin baş direktoru və Azərbaycan üzrə regional meneceri Nurlan Hacıyev "Baku Fintex Forumu"nda çıxışı zamanı deyib.
"Fintexlər daim diqqətimizdədir. "Visa" şirkəti dünya miqyasında fintexlərə yatırımlar edir. Sonuncu dəfə Gürcüstanın fintex şirkətinə dəstək vermişik. Ondan əvvəl Özbəkistan və Qazaxıstan fintexləri olub. Biz fintexlər arasında hər il rəqabətli yarış keçiririk. Məqsəd fintexlərə dəstək vermək, növbəti investisiyalar üçün ən qabaqcıl və maraqlı fintexləri seçməkdir. İstənilən fintex yarışda iştirak edə bilər. Azərbaycan fintexlərinin yarışda iştirak etmələrini və birinci olmalarını çox istərdim", - deyə o əlavə edib.
Bölmənin digər xəbərləri
