Voleybol üzrə Ukrayna millisi Norveç yığmasına qalib gəlib
Bakı, 1 iyun, AZƏRTAC
İyunun 1-də Bakı İdman Sarayında qadın voleybolçular arasında dünya çempionatının seçmə mərhələsi çərçivəsində Ukrayna və Norveç milliləri qarşılaşıblar.
AZƏRTAC xəbər verir ki, Ukrayna millisi görüşdən 3:1 hesablı qələbə ilə ayrılıb.
Matçın ilk hissəsində ukraynalı voleybolçular 25:21 hesabı ilə qalib gəliblər. İkinci setdə təşəbbüsü ələ alan Norveç təmsilçiləri hissəni öz xeyirlərinə tamamlayıblar - 25:22. Üçüncü və dördüncü setdə rəqibindən aşkar üstün olan Ukrayna komandası 25:14 və 25:17 hesabı ilə qalib gəlib.
Bölmənin digər xəbərləri
