Volodimir Zelenski Londona səfər edib
London, 1 mart, AZƏRTAC
Ukrayna Prezidenti Volodimir Zelenski və Böyük Britaniyanın Baş naziri Kir Starmer bu gün Londonda görüşəcəklər.
AZƏRTAC xəbər verir ki, Ukrayna nümayəndə heyətini daşıyan təyyarə artıq London Stansted hava limanına eniş edib. Bu görüş sabah Londonda keçiriləcək Avropa liderlərinin sammiti ərəfəsində baş tutur.
Starmer və Zelenski arasındakı bugünkü görüşdə Ukraynadakı mövcud vəziyyət və Avropanın dəstəyinin gücləndirilməsi yolları müzakirə ediləcək. Sabah keçiriləcək bu görüş Ukraynaya dəstəyin artırılması məsələlərinin müzakirə ediləcəyi sammit öncəsi mühüm əhəmiyyət kəsb edir.
Xatırladaq ki, fevralın 28-də V.Zelenski ABŞ-a səfəri zamanı Prezident Donald Tramp və vitse-prezident J.D.Venslə görüşüb. Prezidentlər arasındakı gərginliklərdən sonra V.Zelenski Ağ evi tərk edib və nəticədə nadir torpaq metallarına dair saziş imzalanmayıb.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
