Volodimir Zelenskinin Ofisinin yeni rəhbəri dekabrın 5-də seçiləcək
Bakı, 5 dekabr, AZƏRTAC
Volodimir Zelenskinin Ofisinin yeni rəhbəri dekabrın 5-də seçiləcək.
AZƏRTAC xəbər verir ki, bu barədə Ali Radanın üzvü Yaroslav Jeleznyak özünün Telegram kanalında məlumat verib.
“Bu gün Zelenskinin Ofisinin yeni rəhbəri elan ediləcək”, - deyə Jeleznyak yazıb.
Bu vəzifəyə altı namizəd nəzərdən keçirilir. Onların arasında müdafiə naziri Denis Şmıqal, baş nazirin birinci müavini və rəqəmsal transformasiya naziri Mixail Fyodorov, Müdafiə Nazirliyinin Baş Kəşfiyyat İdarəsinin rəisi Kirill Budanov və Zelenskinin Ofisinin rəhbərinin müavini Pavel Palisa da var. Digər iki nəfərin adı açıqlanmayıb.
Bölmənin digər xəbərləri
