“WhatsApp” messencer istifadəçilərini şəxsi məlumatlarını “Facebook”la paylaşmağa məcbur edəcək
Bakı, 8 yanvar, AZƏRTAC
İnternetdə “WhatsApp” messencerindən istifadə şərtlərinin yenilənməsi haqqında məlumat dərc edilib. İndi istifadəçilər messencerdən istifadəyə davam etmək üçün şəxsi məlumatlarını “Facebook” ilə paylaşmağa məcbur olacaq.
AZƏRTAC xarici saytlara istinadla xəbər verir ki, 2021-ci il fevralın 8-də ünsiyyət üçün “WhatsApp”dan istifadə etmək istəyən istifadəçilər şirkətin yeni şərtləri ilə razılaşmalı olacaqlar.
Sözügedən messencerin “Facebook”a göndərəcəyi məlumat istifadəçi hesabı ilə bağlı qeydiyyat məlumatlarını (həmçinin telefon nömrəsi) və tranzaksiyalar haqqında məlumatları əhatə edəcək. Həmçinin “Facebook”a istifadəçilərin mobil qurğuları haqqında informasiya, IP ünvanlar və sair bu kimi məlumatlar göndəriləcək.
Bölmənin digər xəbərləri
