XALQ ŞAİRİ SÜLEYMAN RÜSTƏMİN ANADAN OLMASININ 100 İLLİYİNƏ HƏSR EDİLMİŞDİR
AZƏRTAC-ın müxbiri xəbər verir ki, Azərbaycan söz sənətinin görkəmli nümayəndələrindən biri, xalq şairi Süleyman Rüstəmin anadan olmasının 100 illik yubileyi Gəncədə təntənə ilə qeyd edilmişdir. Sənətsevərlərin, ziyalıların və şəhər ictimaiyyəti nümayəndələrinin iştirakı ilə Gəncə Dövlət Dram Teatrında keçirilən yubiley tədbirində çıxış edənlər Azərbaycanın ictimai fikir tarixində və poeziyasında özünəməxsus yeri olan Süleyman Rüstəmin anadan olmasının 100 illik yubileyinin dövlət səviyyəsində qeyd olunmasını ölkəmizin başçısının yaradıcı insanlara qayğısı kimi dəyərləndirmişlər. Sonra Gəncə Dövlət Dram Teatrı aktyorlarının ifasında şairin şeirlərindən nümunələr səslənmiş, müğənnilər onun sözlərinə bəstələnmiş mahnıları ifa etmişlər.
Bölmənin digər xəbərləri
