XALQIN MÜBARİZ RUHUNU QIRMAQ OLMAZ
Mərasimə toplaşanlar görkəmli siyasətçi, Azərbaycan xalqının ümummilli lideri Heydər Əliyevin, habelə Vətəninin ərazi bütövlüyü və müstəqilliyi uğrunda öz həyatını qurban vermiş şəhidlərin xatirəsini bir dəqiqəlik sükutla andılar.
Hüseyn Ərəblinski adına Sumqayıt Dövlət Musiqili Dram Teatrının aktyorları “Xalqın mübariz ruhu sarsılmazdır” adlı səhnələşdirilmiş kompozisiya ilə çıxış etdilər.
Azərbaycan dövləti tarixinin taleyüklü məqamları, parlaq şəxsiyyətlər - əfsanəvi xalq qəhrəmanları xronoloji ardıcıllıqla tamaşaçıların gözü qarşısında canlandılar. Sadə dekorasiyalar, tamaşanın quruluşçu rejissoru, teatrın baş rejissoru Firudin Məhərrəmovun dəqiq səhnə quruluşu, habelə aktyorların peşəkar ifası övladları vətən tarixinə şanlı səhifələr yazmış xalqın yenilməz ruhunu tamaşaçılara çatdırmağa kömək etdi. Onların xatirəsi qəlbimizdə əbədi yaşayacaqdır.
