“Xocalı soyqırımı - tarixin dastanı” adlı əbədi-bədii kompozisiya təşkil edilib
Bakı, 27 fevral, AZƏRTAC
Bakı Şəhər Mədəniyyət Baş İdarəsinin Ağaxan Abdullayev adına Mədəniyyət Mərkəzinin kollektivi Xocalı soyqırımının 27-ci ildönümünə həsr olunmuş “Xocalı soyqırımı - tarixin dastanı” adlı əbədi-bədii kompozisiya təşkil edib.
Baş İdarədən AZƏRTAC-a bildirilib ki, əvvəlcə dövlət himni səsləndirilib və Xocalı soyqırımının şəhidlərinin əziz xatirəsi bir dəqiqəlik sükutla yad edilib.
Tədbirdə mərkəzin müdir müavini Aytən Nəsirova, metodisti Tənay Abbasova çıxış edərək 27 il bundan əvvəl törədilmiş Xocalı soyqırımının Azərbaycan tarixində ən dəhşətli və faciəli səhifələrdən biri kimi daxil olduğunu vurğulayıb.
Sonra uşaqların ifasında şeirlər dinlənilib.
Bölmənin digər xəbərləri
