Xüsusi qayğıya ehtiyacı olan uşaqlar üçün xidmətlər zərfinə 221 sayda xidmət daxil edilib
Bakı, 23 dekabr, AZƏRTAC
Xüsusi qayğıya ehtiyacı olan və vaxtından əvvəl doğulmuş uşaqların sağlamlığının qorunmasını təmin etmək məqsədilə xidmətlər zərfinə 221 sayda tibbi xidmət daxil edilib.
AZƏRTAC xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) icraçı direktorunun müavini Araz Nəsirov Azərbaycan Pediatriya Cəmiyyətinin birinci Milli Konqresində deyib.
Onun sözlərinə görə, növbəti illərdə xidmətlərin sayının daha da artırılması nəzərdə tutulub. Tibb müəssisələrinin maddi-texniki bazası mütəmadi olaraq yenilənir: "Vaxtından əvvəl doğulan uşaqların inkişafında mühüm rol oynayan 15 adda dərman preparati, körpələrin müayinə və müalicəsində istifadə olunan 63 adda tibbi ləvazimatlarla müəssisələrimiz təchiz olunur",- deyə A.Nəsirov bildirib.
Bölmənin digər xəbərləri
