XX ƏSRİN AXIRLARI SON 400 İLDƏ ƏN İSTİ DÖVR OLMUŞDUR
Məruzə iqlimşünas Maykl Mannın apardığı tədqiqatın nəticələrinə cavab olaraq hazırlanmışdır. Belə ki, onun iddiasına görə, 1990-cı illər XX əsrin ən isti onilliyi, 1998-ci il isə ən isti il olmuşdur. Corc Buş hökuməti ətraf mühitin çirklənməsinin azaldılmasına dair baha başa gələn tədbirlər kompleksini maliyyələşdirməyə başlamaq üçün alimin sübutlarını qlobal istiləşmə haqqında sanballı dəlillər hesab etməmişdir.
Məruzəyə görə, mövcud faktlar sübut edir ki, sənaye inqilabına qədər orta temperatur aşağı olmuş və istiləşməyə səbəb insanın fəaliyyətidir. İqlim haqqında 1600-cü ilə qədər olan məlumatlar natamamdır, ona görə də yalnız son dörd yüzillik barədə müəyyənliklə danışmaq olar. Üstəlik, alimlərin Yer kürəsinin bütün regionları barədə məlumatı yoxdur. Məsələn, Cənub yarımkürəsində iqlim dəyişmələri haqqında məlumat Şimal yarımkürəsi ilə müqayisədə daha azdır. Odur ki, məruzədə söylənilən fikirlər tam səhih hesab edilə bilməz.
Lakin Şimal yarımkürəsi iqliminin rekonstruksiyası təsdiq etməyə imkan verir ki, təxminən 1000-ci ildə hava mülayim olub, 1500-1850-ci illər dövrü isə havaların soyuq keçməsi ilə əlaqədar “kiçik buzlaq dövrü” adlandırılıbdır. Sənaye inqilabı istiləşməyə səbəb olmuşdur ki, o da son onilliklər ərzində daha da sürətlənmişdir.
Bölmənin digər xəbərləri
