YAĞIŞLAR BAKININ BƏZİ ƏRAZİLƏRİNDƏ TELEFON XƏTLƏRİNİ TEZ-TEZ SIRADAN ÇIXARIR

27.10.2006 [16:50]
Çap et
A⁺ A^-

Son günlər Bakıda yağan yağışlar şəhər təsərrüfatının müxtəlif sahələrində olduğu kimi, telefon şəbəkəsində də problemlər yaradır. Oktyabrın 27-də güclü leysandan sonra şəhərin mərkəzində 493 nömrəli abonentlərin bir çoxunun telefonu gün ərzində işləməmişdir.

AZƏRTAC–ın müxbiri problemin səbəbini aydınlaşdırmaq üçün Bakı Şəhər Telefon Rabitəsi İstehsalat Birliyi ilə əlaqə saxlamışdır. Birliyin baş direktorunun müavini Xankişi Kişiyev faktı təsdiqləyərək demişdir ki, bir sıra küçələrdə yağış suları üçün kanalizasiya sistemi işləmədiyinə görə sel suları telefon lüklərinə dolur, kabelləri isladaraq xətləri sıradan çıxarır. Aldığımız məlumata görə, oktyabrın 27-də şəhərin mərkəzi hissəsində bəzi abonentlərin telefonları kəsilmişdir. Hazırda təmir briqadalarımız həmin ərazilərdə telefon xətlərindəki nasazlıqları aradan qaldırırlar. Tezliklə işləməyən telefonlar şəbəkəyə qoşulacaqdır.

YAĞIŞLAR BAKININ BƏZİ ƏRAZİLƏRİNDƏ TELEFON XƏTLƏRİNİ TEZ-TEZ SIRADAN ÇIXARIR

MÜƏLLİFLƏ ƏLAQƏ

Bölmənin digər xəbərləri