Yağışlarla əlaqədar çaylarda sululuq artmışdır
Bakı, 31 oktyabr (AZƏRTAC). Oktyabr ayının son günlərində Lənkəran-Astara bölgəsinə düşən intensiv yağışlarla əlaqədar çaylarda sululuq kəskin surətdə artmışdır.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirmişlər ki, hazırda bu bölgənin çaylarında sululuq ongünlük normanın 250-300 faizini təşkil edir.
Eyni hal Kür çayında da müşahidə olunmuşdur. Çayın Qıraqkəsəmən məntəqəsində su sərfi saniyədə 158 kübmetr, Qanıx çayının Əyriçay məntəqəsində isə saniyədə 85,0 kubmetrdir.
Kürün aşağı axınındakı Surra məntəqəsində suyun səviyyəsi 64, Şirvanda 115, Bankədə 30, Salyanda 88, Araz çayının Novruzlu məntəqəsində isə 120 santimetr artmışdır.
Hazırda bütün məntəqələrdə suyun səviyyəsi ötən ilin müvafiq dövrü ilə müqayisədə yuxarıdır.
Bölmənin digər xəbərləri
