YANVAR FACİƏSİNİN 20-Cİ İLDÖNÜMÜ İLƏ BAĞLI TƏDBİR KEÇİRİLMİŞDİR
Bakı, 18 yanvar (AZƏRTAC). Yanvarın 18-də Azərbaycan Universitetində 20 Yanvar faciəsinin ildönümünə həsr edilmiş anım mərasimi keçirilmişdir.
Universitetin professor-müəllim heyəti və tələbələrin iştirak etdikləri tədbirdə çıxış edənlər Qanlı Yanvarın Azərbaycan tarixinin faciəli, eyni zamanda, şərəfli səhifələrindən biri olduğunu vurğulamışlar. 20 il bundan əvvəl Bakıda törədilən qırğın Azərbaycan xalqının milli azadlıq mübarizəsini boğmaq məqsədi daşıyırdı. Amma bu qırğın xalqımızın müstəqillik əzmini qıra bilməmiş, əksinə, mənfur sovet rejiminə nifrətini artırmış və Azərbaycanın müstəqillik qazanmasına təkan vermişdir.
Tədbirdə qanlı 20 Yanvar gecəsini əks etdirən videogörüntülər nümayiş etdirilmişdir.
Bölmənin digər xəbərləri
