Yanvar-iyul aylarında Azərbaycan Gürcüstana 114 min ton neft məhsulları ixrac edib
Tbilisi, 19 avqust, AZƏRTAC
Gürcüstan cari ilin yanvar-iyul ayları ərzində Azərbaycandan 114 min ton neft məhsulları idxal edib. Bu da Gürcüstanın idxal etdiyi ümumi yanacağın 18,7 faizini təşkil edib.
AZƏRTAC xəbər verir ki, bu barədə Gürcüstan Neft İdxalatçıları Birliyi məlumat yayıb.
Bildirilir ki, bu göstərici ilə Azərbaycan Gürcüstana neft məhsulları ixrac edən ölkələr sırasında ikinci yerdədir. Birinci yerdə 212,8 min tonla (35 faiz) Rusiya dayanır. Üçüncü yerdə 110 min tonla (18,1 faiz) Rumıniya, dördüncü yerdə isə 55,3 min tonla (9,1 faiz) Türkmənistan dayanır.
Siyahıda ilk beşliyi Bolqarıstan tamamlayır - 46,5 min ton.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
