YAP Gənclər Birliyinin sədr müavini beynəlxalq konfransda iştirak edəcək
Bakı, 31 iyul (AZƏRTAC). Yeni Azərbaycan Partiyası Siyasi Şurasının üzvü, YAP Gənclər Birliyinin sədr müavini Ramin Məmmədov iyulun 31-dən avqustun 1-dək Serbiyada, eləcə də Bosniya və Herseqovinada səfərdə olacaq.
AZƏRTAC xəbər verir ki, həmin tarixlərdə Avropa Demokrat Gənclər İcmasının (DEMYC) təşkilatçılığı ilə İdarə Heyətinin iclası və beynəlxalq konfrans keçiriləcək.
Sözügedən tədbirdə aktual siyasi, iqtisadi məsələlər, həmçinin Avropa Demokrat Gənclər İcmasına üzv olan təşkilatlar arasında əməkdaşlığın genişləndirilməsi, müştərək layihələr və tədbirlərin keçirilməsi barədə müzakirələr aparılacaq.
Bölmənin digər xəbərləri
