YAP Sabunçu rayon təşkilatı partiyanın 20 illik yubileyi münasibətilə ağacəkmə aksiyası keçirmişdir
Bakı, 31 oktyabr (AZƏRTAC). Oktyabrın 31-də Yeni Azərbaycan Partiyasının Sabunçu rayon təşkilatı partiyanın 20 illik yubileyi münasibətilə ağacəkmə aksiyası keçirmişdir.
AZƏRTAC xəbər verir ki, təşkilatın sədri Mehriban Abasquliyeva bildirmişdir ki, ötən 20 il ərzində şərəfli yol keçmiş partiyanın yubileyinə həsr olunmuş ağacəkmə kampaniyasında müxtəlif ərazi ilk partiya təşkilatlarından təxminən 70 nəfər YAP fəalı iştirak etmişdir. Rayon təşkilatının sədri belə tədbirlərin davamlı olacağını qeyd etmişdir.
Aksiyada iştirak edən YAP Siyasi Şurasının üzvləri, Milli Məclisin deputatları Musa Quliyev və Aydın Mirzəzadə partiyanın Sabunçu rayon təşkilatının bu təşəbbüsünü yüksək dəyərləndirmişlər.
Qeyd edək ki, aksiya çərçivəsində Sabunçu rayonu, Bakıxanov qəsəbəsindən keçən avtomobil yolunun kənarına 100 ədəd sərv şamı əkilmişdir.
Bölmənin digər xəbərləri
