YAPON ALİMLƏRİ OZON ÇUXURUNUN 2050-Cİ İLƏDƏK YOX OLACAĞINI GÜMAN EDİRLƏR

24.05.2006 [11:31]
Çap et
A⁺ A^-

AZƏRTAC xarici KİV-lərə istinadla xəbər verir ki, Antarktida üzərindəki ozon çuxuru 2050-ci ilədək yox ola bilər. Yaponiya Dövlət Ətraf Mühiti Araşdırma İnstititunun alimləri məhz bu nəticəyə gəlmişlər. Ozon çuxurunun getdikcə yox olmasının səbəbi ozon təbəqəsi üçün təhlükəli olan xlorlu ftorkarbonun və ozon təbəqəsi üçün digər təhlükəli qazların atmosferə tullantılarının azalmasıdır.

Çuxurun sabit surətdə azalması təxminən 2020-ci ildə başlanacaqdır. Lakin Kanada və Birləşmiş Ştatlar havanın kondisiyalaşdırılması və soyudulması sistemlərinin miqdarını azaltmasalar, bu müddət uzana bilər. Məlumdur ki, həmin sistemlər atmosferə planetin ozon təbəqəsi üçün zərərli olan maddələr buraxır.

Xatırladaq ki, Cənub qütbü üzərində ozon çuxuru ilk dəfə 1980-ci ildə aşkar edilmişdir.