Yaponiya sahillərində 6,2 bal gücündə zəlzələ olub
Tokio, 21 iyun, AZƏRTAC
İyunun 21-də yerli vaxtla 16:15-də Yaponiyanın Sakit okean sahillərində 6,2 bal gücündə zəlzələ baş verib.
AZƏRTAC xəbər verir ki, bu barədə Yaponiya meteorologiya Agentliyi məlumat yayıb.
Yeraltı təkanların Hönşyu adasında yerləşən və təqribən 428 min sakinin yaşadığı Yokosuka şəhərindən 871 kilometr cənub-şərqdə, ocağının 40 kilometr dərinlikdə yerləşdiyi bildirilir.
Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
