Yaponiyalı ifaçı: Azərbaycan musiqisini öyrənmək istərdim
Bakı, 28 oktyabr, AZƏRTAC
Bugünkü konsertdə mən qədim yapon incəsənət nümunələrini təqdim edəcəyəm, müxtəlif rəqs nümunələri ifa olunacaq. Eyni zamanda, tayko yapon barabanı və digər milli musiqi alətlərində ifa edəcəyəm.
AZƏRTAC xəbər verir ki, bunu jurnalistlərə müsahibəsində yaponiyalı tayko barabanı ifaçısı Kaiden Masanori deyib.
“Düşünürəm ki, bugünkü konsert yapon mədəniyyətinin təqdim olunması, azərbaycanlılara tanıdılması üçün çox gözəl bir şansdır. Mən Azərbaycana ilk dəfədir gəlirəm. Çox sevindiricidir ki, burada yapon mədəniyyətini, mətbəxini, Yaponiyanı sevənlərin sayı çoxdur. Ümumiyyətlə, çox sayda insan məni yapon dilində salamlayır, çox yaxşı şəkildə qarşılayır” , - deyə ifaçı qeyd edib.
Qafqaz musiqisi ilə tanışlığından bəhs edən Kaiden Masanori deyib: “Qafqaz musiqisinin doğrudan da çox gözəl enerjisi var, həyati məqamları hiss etmək olar. Azərbaycan musiqisi ilə tanış olub onu öyrənmək istərdim”.
Bölmənin digər xəbərləri
