Yaponiyanın klassik musiqiləri səslənib
Bakı, 15 sentyabr, Xaruqə Məmmədova, AZƏRTAC
Beynəlxalq Muğam Mərkəzində Yaponiyanın klassik musiqi ifaçısı və bəstəkarı Yosuke İrie şakuhaçi musiqi alətində konsert proqramı ilə çıxış edib.
AZƏRTAC xəbər verir ki, Yosuke İrie qonaqları salamladıqdan sonra yaşı 1300 il əvvələ gedib çıxan qədim şakuhaçi aləti haqqında qısa məlumat verdikdən sonra klassik musiqilər və öz bəstələrindən ibarət geniş konsert proqramını təqdim edib.
Proqramda, eyni zamanda, Azərbaycan xalq çalğı aləti olan kamançanın və şakuhaçenin birgə ifasında maraqlı kompozisiya da təqdim edilib.
Konsert tamaşaçılar tərəfindən maraqla qarşılanıb.
Qeyd edək ki, Şakuhaçi bambukdan hazırlanmış nəfəsli musiqi alətidir və Yaponiyada qədim dövrlərdən bəri ifa edilir.
Bölmənin digər xəbərləri
