REGİONLAR
Yardımlıda keçirilən humanitar aksiyada 100 nəfər könüllü qan verib
Yardımlı, 3 iyul, Bağır Əliyev, AZƏRTAC
B.Eyvazov adına Elmi-Tədqiqat Hematologiya və Transfuziologiya İnstitutu nəzdində Mərkəzi Qan Bankının təşkilatçılığı ilə Yardımlı Rayon Mərkəzi Xəstəxanasında qanvermə aksiyası keçirilib.
AZƏRTAC-ın bölgə müxbiri xəbər verir ki, talassemiya və digər qan xəstəliklərindən əziyyət çəkənlərə yardım məqsədilə keçirilən növbəti qanvermə aksiyasında rayonun icra strukturlarının nümayəndələri, idarə və təşkilatların kollektivləri, təhsil, səhiyyə müəssisələrinin işçiləri iştirak ediblər.
Aksiyada qan vermək üçün müraciət edənlərin yalnız 100 nəfərindən qan götürülüb.
Qeyd edək ki, götürülən qan nümunələri laboratoriyada müayinə edildikdən sonra talassemiyadan və digər qan xəstəliklərindən əziyyət çəkən xəstələrə yardım etmək məqsədilə istifadə olunacaq.