YAXIN GÜNLƏRDƏ AFRİKADA “QUŞ QRİPİ” PANDEMİYASI BAŞLANA BİLƏR
Qrip viruslarının tədqiqatı ilə uzun müddət məşğul olan alim hesab edir ki, QİÇS epidemiyası bu mənada böyük rol oynayacaqdır. Milyonlarla afrikalı immun çatışmazlığı virusundan (İÇV) əziyyət çəkdiyi üçün onların “quş qripi”nə yoluxması sağlam adamlarla müqayisədə daha asandır. Onun fikrincə, məhz İÇV-yə yoluxmuş afrıkalılar arasında “quş qripi”nin insandan insana ötürülməsinin ilk halları qeydə alınacaqdır. “Quş qripi” hələlik Afrikaya yol tapa bilməmişdir. Lakin BMT yanında Ərzaq və Kənd Təsərrüfatı Təşkilatı ekspertlərinin fikrincə, virus tezliklə Afrikada yayılacaqdır. Asiyanın virusa yoluxmuş regionlarından olan quş məhsulları artıq bu qitəyə doğru yoldadır. Ona görə də Afrika ölkələri ən qısa müddətdə lələklilər üzərində nəzarəti gücləndirməli və qitədə “quş qripi” virusunun qarşısını almaq məqsədi ilə birgə fəaliyyət üçün əlaqələndirmə mərkəzi yaratmalıdırlar.
Bölmənin digər xəbərləri
