Yəmən lideri Bab əl-Məndəbdə Hörmüz böhranının təkrarlanmasına qarşı xəbərdarlıq edib
Bakı, 11 sentyabr, AZƏRTAC
Yəmən Prezident Şurasının sədri Rəşad əl-Alimi Bab əl-Məndəb boğazında Hörmüz böhranının təkrarlanmasına yol verilməməsi barədə xəbərdarlıq edib.
AZƏRTAC xəbər verir ki, bu barədə “Əş-Şərq əl-Əvsət” qəzeti məlumat yayıb.
Əl-Alimi bildirib ki, Bab əl-Məndəbin təhlükəsizliyinin təmin olunması üçün daha effektiv beynəlxalq əməkdaşlığa ehtiyac var.
Yəmən rəsmisi, həmçinin husilərin hərbi fəaliyyətinin enerji və ərzaq təchizatına, eləcə də Qırmızı dənizdə beynəlxalq gəmiçiliyə təhlükə yaratdığını bildirib.
Qeyd olunur ki, Yəmən Xarici İşlər Nazirliyi məsələ ilə bağlı BMT Təhlükəsizlik Şurasına məktub göndərib.
Bölmənin digər xəbərləri
