Yeni Zelandiyada koronavirus pandemiyasına görə məhdudiyyətlər sentyabrın 15-dək uzadılıb
Tokio, 4 sentyabr, AZƏRTAC
Yeni Zelandiyada koronavirus pandemiyasına qarşı mübarizə tədbirləri çərçivəsində tətbiq olunan məhdudiyyətlər sentyabrın 15-dək uzadılıb.
AZƏRTAC xəbər verir ki, bu barədə Yeni Zelandiyanın Baş Naziri Caşında Ardern bəyan edib. Hökumət başçısı bildirib ki, Yeni Zelandiya sakinləri sosial məsafənin saxlanması barədə qaydalara əməl etməlidirlər.
Hazırda daha sərt məhdudiyyət qaydaları ölkə üzrə yeni yoluxmanın episentrinə çevrilmiş Oklend şəhərində tətbiq edilir. Belə ki, burada 10-dan artıq sakinin qrup halında toplaşmasına icazə verilmir. Yeni Zelandiyanın digər ərazilərində isə 100 nəfərədək insanın qatıldığı tədbirlərə icazə verilir.
“Əgər biz qaydalara düzgün əməl etsək, məhdudiyyətlərdən daha tez azad ola bilərik və qeyri-sabit vəziyyət riskini azaldarıq”, - deyə Baş Nazir bildirib. C.Ardern, həmçinin qeyd edib ki, mövcud məhdudiyyətlərə sentyabrın 14-də yenidən baxılacaq.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
