YENİYETMƏ HƏNDBOL KOMANDALARI ARASINDA RESPUBLİKA ÇEMPİONATI BAŞA ÇATMIŞDIR
AZƏRTAC xəbər verir ki, yeniyetmə həndbolçuların ölkə çempionatı başa çatmışdır. Qızların mübarizəsində 6, oğlanlarda isə 8 komanda birincilik uğrunda mübarizə aparmışdır.
Həndbolçu qızların yarışında respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin kollektivi qalib gəlmişdir. Kompleks İdman Məktəbinin həndbolçuları 2-ci, Nəsimi rayonunun həndbolçuları isə 3-cü yerə layiq görülmüşlər.
Oğlanların yarışında isə Nəsimi rayonu Uşaq-Gənclər İdman Məktəbinin kollektivi ən yüksək pilləyə yüksəlmişdir. “Təhsil” İdman Cəmiyyətinin iki komandası 2-ci və 3-cü pilləni tutmuşdur.
Ölkə birinciliyinin qalib və mükafatçılarına fəxri fərmanlar təqdim edilmişdir.
Bölmənin digər xəbərləri
