Yurduna qayıdan Füzuli sakini: Artıq pis günlər geridə qaldı
Bakı, 7 sentyabr, AZƏRTAC
Otuz il idi ki, məcburi köçkün həyatı yaşayırdıq və Sumqayıt şəhərində məskunlaşmışdıq. Altı yaşımda yurdumu tərk etmişdim. Artıq pis günlər geridə qaldı.
Bu sözləri AZƏRTAC-a müsahibəsində ata-baba yurduna qayıdan Füzuli sakini Fərid Məmmədov deyib.
“Torpaqlarımız işğaldan azad edildikdən sonra bir dəfə Füzuliyə səfər etmişəm. Orada insanı tamam başqa hisslər bürüyür. Bir anlıq o torpaqlar uğrunda igidlərimizin necə vuruşduğu gözlərimdə canlandı. Orada yaşamağımız üçün gözəl şərait yaradılıb, evlər tikilib. Füzulinin əsl sakinləri qayıdır”, - deyə Fərid Məmmədov qeyd edib.
Füzuli sakini dövlətimizin başçısına, torpaqlarımızın azadlığı uğrunda döyüşən qəhrəman Vətən oğlanlarına da təşəkkürünü bildirib.
Bölmənin digər xəbərləri
