Zelenski: Rusiya Ukraynanın nüvə elektrik stansiyalarına zərər verməyə çalışır
Kiyev, 19 yanvar, AZƏRTAC
Rusiya Ukraynanın nüvə elektrik stansiyalarına zərər verməyə çalışır. Ukrayna tərəfində Moskvanın hansı ərazilərdə kəşfiyyat apardığı barədə məlumatlar var.
AZƏRTAC xəbər verir ki, bu barədə Ukrayna Prezidenti Volodimir Zelenski çıxışında bildirib.
Zelenski qeyd edib ki, Ukrayna nümayəndə heyəti Amerika tərəfini Ukraynada baş verənlər, eləcə də Rusiyanın enerji şəbəkəmizə davamlı zərbələri barədə tam məlumatlandırır.
"Əgər ruslar müharibəni bitirmək barədə həqiqətən ciddi olsaydılar, onlar raket hücumlarına, elektrik kəsintilərinə və hətta nüvə elektrik stansiyalarımıza zərər vurma cəhdlərinə deyil, diplomatiyaya diqqət yetirərdilər. Hər şey diplomatiyanın Rusiya üçün mütləq prioritet olmadığını açıq şəkildə göstərir", - deyə Zelenski vurğulayıb.
Dövlət başçısı, həmçinin bildirib ki, ruslar bütün həftə ərzində ölkənin müxtəlif bölgələrindəki “Naftogaz”ın obyektlərinə hücum ediblər. Ən son hücum qaz hasilatına olub və bu, dünən baş verib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
