Zelenski və həyat yoldaşının varidatı açıqlanıb
Bakı, 21 yanvar, AZƏRTAC
Ukrayna lideri Volodimir Zelenski və həyat yoldaşı Olena banklardakı vəsaitləri istisna olmaqla, 595 min dollar nağd pula sahibdirlər.
AZƏRTAC xarici mediaya istinadla xəbər verir ki, bu məbləğ onların əmlak bəyannaməsində əksini tapıb.
Zelenski və həyat yoldaşı nağd puldan əlavə, Ukrayna və İsveçdəki müxtəlif banklarda vəsait saxlayırlar. Mediada yayılan məlumata görə, cütlüyün hesablarında 3.059.441 qrivna (70.723 dollar), 363.485 avro və 53.494 ABŞ dolları var.
Zelenskilər tərəfindən bəyan edilən vəsaitlərin ümumi məbləği 1 milyon ABŞ dollarını ötür.
Cütlük, həmçinin “Breguet”, “Tag Heuer”, “Rolex”, “Piaget” və “Bovet” kimi brendlərin lüks saatlarına, zərgərlik məmulatlarına və iki avtomobilə (“Land Rover” və “Mercedes-Benz”) sahibdir.
Bölmənin digər xəbərləri
