Zərdabda çayların təhlükəli hissələrində sahilbərkitmə işləri aparılır
Zərdab, 30 oktyabr (AZƏRTAC). Kür-Araz Çaylarında Bəndlərin İstismarı İdarəsi Zərdab rayonunda yaşayış məntəqələrini daşqın və sel sularından qorumaq məqsədilə sahilbərkitmə işləri aparır.
AZƏRTAC xəbər verir ki, təkcə bu il Kür çayının sol sahili boyunca Sarıqaya, İsaqbağı, Körpükənd, Buçaqçı və digər bir sıra kəndlər üçün təhlükəli olan 4,6 kilometr məsafədə 104,4 min kubmetr həcmində bəndlər təmir edilmişdir. Habelə, daşqın ehtimalı çox olan digər hissələrdə də bərkitmə işləri görülmüşdür.
Bununla yanaşı Türyançay çayının rayon ərazisindən keçən hissəsində 160 kubmetr həcmində faşınla sahilbərkitmə işləri aparılmışdır.
Hazırda rayonda çay sahillərinin bərkidilməsi davam etdirilir.
Bölmənin digər xəbərləri
