Bu il Korrupsiyaya Qarşı Mübarizə Baş İdarəsində 50 cinayət işinin istintaqı yekunlaşıb VİDEO
Bakı, 27 aprel, AZƏRTAC
Cari ilin dörd ayında Baş Prokuror yanında Korrupsiyaya Qarşı Mübarizə Baş İdarəsində 55 şəxs barəsində 50 cinayət işi istintaq olunub, məhkəmələrə göndərilib.
AZƏRTAC xəbər verir ki, bu barədə Azərbaycan Respublikası baş prokurorunun müavini, Baş Prokuror yanında Korrupsiyaya Qarşı Mübarizə Baş İdarəsinin rəisi Kamran Əliyev məlumat verib.
K.Əliyev bildirib ki, hazırda Korrupsiyaya Qarşı Mübarizə Baş İdarəsində 121 cinayət işi üzrə ibtidai istintaq aparılır. Bundan başqa, müxtəlif məlumatlar, o cümlədən vətəndaşların, dövlət qurumlarının müraciətləri var. Bunlarla da bağlı ilkin, yəni, cinayət işi başlanana qədər olan araşdırmalar və qabaqlayıcı tədbirlər həyata keçirilir.
Bölmənin digər xəbərləri
