Xocavəndli məcburi köçkünlər bir tondan artıq barama təhvil veriblər
Beyləqan, 21 iyun, Tahir Ağaməmmədov, AZƏRTAC
Uzun illərdən sonra bu il ilk dəfə olaraq Beyləqan rayonu ərazisində məskunlaşan ipəkqurdu bəsləyən xocavəndli məcburi köçkünlər barama tədarükünü başa çatdırıblar.
Xocavənd Rayon İcra Hakimiyyətindən AZƏRTAC-ın bölgə müxbirinə bildiriblər ki, məcburi köçkün ailələri bu il 26 qutu (494 qram) ipəkqurdu toxumu bəsləyiblər. Tədarük edilən 1 ton 47 kiloqram barama “Azəripək” MMC-yə təhvil verilib.
Qeyd edək ki, əhalinin məşğulluğunun artırılması, sosial rifahın yüksəldilməsinə xidmət edən baramaçılığın inkişafı məqsədilə xocavəndli məcburi köçkünlərin məskunlaşdıqları ərazilərdə 15 min 500 ədəd tut tingi əkilib.
Bölmənin digər xəbərləri
