İDMAN
13 MAY
2013-cü il. Vyanada Azərbaycan Mədəniyyət Mərkəzinin açılışı olub. Prezident İlham Əliyev və xanımı Mehriban Əliyeva mərasimdə iştirak ediblər.
Mərkəz Prezident İlham Əliyevin 2012-ci il 16 noyabr tarixli Sərəncamı əsasında, Avstriyada ölkəmizin mədəniyyətini təbliğ etmək məqsədilə yaradılıb.
2014-cü il. Türkiyədə Soma kömür mədənində faciə baş verib. Hadisə nəticəsində 301 mədənçi ölüb, 80-dən çoxu yaralanıb.
1096-cı il. Azərbaycanda intibah dövrünün ilk qadın şairi, dahi rübai ustası, ilk şahmatçı qadın, N.Gəncəvinin müasiri Məhsəti Gəncəvi anadan olub (1096-1160).
1943-ci il. Azərbaycanın Xalq Yazıçısı, nasir, dramaturq, tənqidçi, ədəbiyyatşünas, ictimai xadim, professor Elçin Əfəndiyev anadan olub.
Elçinin dünyanın müxtəlif dillərində 100-dək kitabı nəşr olunub. Kitablarının ümumi tirajı 5 milyondan çoxdur.
O, 2003-cü ildə “İstiqlal” ordeni ilə təltif edilib. “Arxadan vurulan zərbə”, “Mahmud və Məryəm”, “Gözlə məni”, “Bağ mövsümü” və digər filmlərin ssenari müəllifidir.
E.Əfəndiyev Azərbaycan Respublikası Baş nazirinin müavinidir.
1950-ci il. İngiltərənin Silverstoun şəhərində ilk “Formula-1” çempionatının ilk yarışı keçirilib. Yarışların ilk qalibi 44 yaşlı italiyalı pilot Cuzeppe Nino Farina olub.
1929-cu ildə. Azərbaycan şairi, tərcüməçi, Əməkdar İncəsənət Xadimi Hikmət Ziya oğlu Əfəndiyev (Hikmət Ziya) anadan olub (1929-1995).
O, “Əli Bayramlı”, “Azərbaycan qadını”, “Qərib cinlər diyarında” filmlərinin ssenari müəllifidir.