İDMAN
14 MAY
2011-ci il. Mayın 14-də Almaniyanın Düsseldorf şəhərində “Espit Arena”sında 56-cı “Eurovision” yarışmasının final mərhələsi keçirilib. Azərbaycan təmsilçiləri Eldar Qasımov və Nigar Camal dueti müsabiqədə qalib gəlib.
2002-ci il. Azərbaycan və Türkiyə arasında təmənnasız hərbi yardım haqqında Müqavilə imzalanıb. Müqavilə Azərbaycan Respublikası Prezidenti Heydər Əliyevin 2002-ci il 24 avqust tarixli Sərəncamı ilə qüvvəyə minib.
1998-ci il. Amerikalı müğənni və aktyor Frenk Sinatra vəfat edib (1915-1998). O, romantik ifa tərzi ilə məşhurdur. İfasındakı mahnılar estradanın və caz musiqisinin svinq janrının klassik əsərləri sırasında yer alıb. Amerikalıların bir neçə nəsli bu mahnılar üzərində tərbiyə olunub.
1265-ci il. Məşhur italyan şairi, italyan ədəbi dilinin banisi Dante Aligyeri (1265-1321) anadan olub. Yaradıcılığının zirvəsini “İlahi komediya” poeması təşkil edir. Üç hissədən (“Cəhənnəm”, “Əraf (Təmizlik)” və “Cənnət”) ibarət poema orta əsrlər ədəbiyyatı üçün səciyyəvi olan “o biri dünyaya yuxuda səyahət” formasında yazılıb. Dante bu əsərə “Komediya” adını verib. “İlahi komediya” ifadəsindəki “ilahi” sözü italyan yazıçısı Covanni Bokkaçço (1313-1375) tərəfindən əsərə daxil edilib. Əsəri Azərbaycan dilinə Əliağa Kürçaylı tərcümə edib və 1973-cü ildə “Azərnəşr” tərəfindən çap edilib.