Xocavənddə “Qondarma “erməni soyqırımı” yalanları və Azərbaycan həqiqətləri” adlı konfrans keçiriləcəkdir
Bakı, 14 aprel (AZƏRTAC). Aprelin 15-də Xocavənd rayon icra hakimiyyəti “Avrasiya Beynəlxalq Araşdırmalar İnstitutu” İctimai Birliyi ilə birgə “Qondarma “erməni soyqırımı” yalanları və Azərbaycan həqiqətləri” adlı konfrans keçiriləcəkdir.
AZƏRTAC xəbər verir ki, tədbirdə türkiyəli deputat, Qara Dəniz İqtisadi Əməkdaşlıq Təşkilatı Parlament Assambleyasında Türkiyə nümayəndə heyətinin rəhbəri İsmail Safi və Avrasiya İqtisadi Əməkdaşlıq Dərnəyinin sədri Hikmət Ərən, QHT-lərin və KİV-lərin nümayəndələri iştirak edəcəklər.
Konfransda qondarma “erməni soyqırımı”na, həmçinin Azərbaycan həqiqətlərinə dair məruzələr dinləniləcəkdir.
Tədbir çərçivəsində “Azərbaycan Bayrağı” ordenli keçmiş döyüşçü, qəhrəman kəşfiyyatçı İbad Hüseynova həsr edilmiş “Xüsusi təyinatlı” adlı kitabın da təqdimatı keçiriləcəkdir.
Bölmənin digər xəbərləri
