20 Yanvar şəhidlərinin xatirəsi anılmışdır
Bakı, 20 yanvar (AZƏRTAC). Qiymətli Kağızlar üzrə Dövlət Komitəsində (QKDK) 20 Yanvar faciəsinin iyirmi ikinci ildönümünə həsr olunmuş anma mərasimi təşkil edilmişdir.
Qanlı Yanvar faciəsi zamanı həlak olmuş şəhidlərin xatirəsi bir dəqiqəlik sükutla yad edilmişdir.
Komitənin ictimaiyyətlə əlaqələr sektorundan AZƏRTAC-a bildirmişlər ki, QKDK-nın sədri Rüfət Aslanlı 20 Yanvar faciəsinin Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi yazıldığını demişdir. Kütləvi terror nəticəsində yüzlərlə günahsız insanın qətlə yetirilməsi totalitar sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirmişdir.
Cinayətkar Sovet imperiyasının işğaldan sonra ölkədə yaratdığı süni informasiya blokadasını etiraz səsi ilə ilk dəfə məhz ulu öndər Heydər Əliyev yardı.
Sədr 1994-cü ildə ulu öndərin təşəbbüsü ilə Qanlı Yanvar hadisələrinə tam siyasi-hüquqi qiymət verildiyini, faciənin günahkarlarının adlarının açıq şəkildə bəyan edildiyini demişdir.
Bölmənin digər xəbərləri
