Keçmiş məcburi köçkün: Arzum budur ki, Cəbrayılda mənim də bir əməyim olsun VİDEO
Bakı, 6 iyul, AZƏRTAC
İndi elə bir sevinc hissi keçiririk ki, onu sözlə ifadə etmək olmur. Doğulduğumuz, uşaqlığımızın, cavanlığımızın keçdiyi torpaqlara gedirik. Azərbaycanın hər yeri bizim torpağımızdır, bizim Vətənimizdir. Amma insanın doğulduğu yerə, yaşadığı yurda qayıtmasının sevinci tamam başqadır.
Bu fikirləri AZƏRTAC-a açıqlamasında bu gün Cəbrayıl rayonunun Şükürbəyli kəndinə köç edən keçmiş məcburi köçkün Fazil Əliyev deyib.
"Allah mənə də bir az da ömür versin ki, orada nəsə yaradım. Gücüm nəyə çatsa, bir yaşıllıq salım, bir ağac əkim, bir iş görülürsə, mən də ona dəstək olum, mənim də o işdə bir köməyim, bir əməyim olsun. Bax, ən böyük arzum budur", - deyə o əlavə edib.
F.Əliyev, həmçinin göstərilən dəstəyə görə dövlətə minnətdarlığını ifadə edib, doğma yurdlarından ayrıldıqları ilk gündən onların hər zaman məcburi köçkünlərin yanında olduğunu, yerli əhalinin də onlara dayaq durduğunu vurğulayıb, şəhidlərə Allahdan rəhmət, qazilərə cansağlığı arzulayıb.
Bölmənin digər xəbərləri
