MƏDƏNİYYƏT


Xalq Şairi Məmməd Araza həsr olunmuş “Milli qüruru, milli qeyrəti tərənnüm edən şair” mövzusunda tədbir keçirilmişdir

Bakı, 5 dekabr (AZƏRTAC). Dekabrın 5-də F.Köçərli adına Respublika Uşaq Kitabxanasında Xalq Şairi Məmməd Arazın anadan olmasının 80 illik yubileyinə həsr edilmiş “Milli qüruru, milli qeyrəti tərənnüm edən şair” mövzusunda tədbir keçirilmişdir. 

AZƏRTAC xəbər verir ki, tədbirdə Məmməd Arazın 80 illiyinə həsr olunmuş videoçarx nümayiş olunmuşdur.

Kitabxananın direktoru Şəhla Qəmbərova diqqətə çatdırmışdır ki, mərasim Prezident İlham Əliyevin Azərbaycan ədəbiyyatının görkəmli nümayəndəsi, Xalq Şairi Məmməd Arazın anadan olmasının 80 illik yubileyinin keçirilməsi haqqında Sərəncamına əsasən təşkil olunmuşdur.

Tədbirdə şairin ailə üzvləri və yaxınları, Mədəniyyət və Turizm Nazirliyinin əməkdaşları, yazıçı və bədii qiraət ustaları, Bakının müxtəlif rayonlarının orta məktəb şagirdləri iştirak etmişlər.

Sonda Xalq Şairinin 80 illik yubileyi münasibətilə noyabr ayında keçirilmiş şeir müsabiqəsinin qaliblərinin adları açıqlanmışdır.

Müsabiqədə paytaxtın 47 nömrəli orta məktəbinin şagirdi Fidan Məmmədli birinci, 189 nömrəli məktəbin şagirdi Nuray Cəfərova ikinci, 160 saylı məktəbin nümayəndəsi Tural Məmmədli isə üçüncü yerləri tutmuşlar.

Qaliblərə diplom və hədiyyələr təqdim edilmişdir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.