MƏDƏNİYYƏT


Mənim hüquqlarım məni qoruyur

Bakı, 17 noyabr, AZƏRTAC

Noyabrın 17-də F.Köçərli adına Respublika Uşaq Kitabxanası BMT-nin Uşaq Hüquqları Konvensiyasının qəbul edilməsinin ildönümü, eləcə də uşaq hüquqları aylığı çərçivəsində “Mənim hüquqlarım məni qoruyur” adlı tədbir keçirib.

Kitabxanadan AZƏRTAC-a bildirilib ki, tədbirin əsas məqsədi uşaqlara diqqətin artırılması və onların öz hüquqlarını bilmələri ilə yanaşı, özlərini necə qorumağı təbliğ etmək olub. Paytaxtımızın Xətai rayonundakı 26 nömrəli orta məktəbin müəllim və şagird kollektivlərinin iştirak etdikləri tədbirdə BMT-nin müvafiq Konvensiyasının tarixi haqqında məlumat verilib.

Diqqətə çatdırılıb ki, Azərbaycan bu Konvensiyaya 1992-ci ildən qoşulub. Konvensiyanın əsas məqsədi uşaqların xoşbəxt böyümələrini, onların sağlam rifahı naminə hüquq və azadlıqlarından istifadələrini təmin etmək, uşaqlar arasında ayrı-seçkiliyə yol verməməkdir.

Uşaqlar ən müasir avadanlıq və texnologiya ilə təmin olunmuş informasiya ocağından - F.Köçərli adına Respublika Uşaq Kitabxanasından istifadə etməklə dünyagörüşlərini artırar, asudə vaxtlarını düzgün qura bilərlər.

Tədbirdə uşaq hüquqlarından bəhs edən oyun keçirilib.

Sonda məktəblilərə kitabxananın təsis etdiyi “Göy qurşağı” jurnalı hədiyyə edilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.