MƏDƏNİYYƏT
Kitabxanada dil kursları açılıb
Bakı, 6 dekabr, AZƏRTAC
F.Köçərli adına Respublika Uşaq Kitabxanasında Mədəniyyət və Turizm, Əmək və Əhalinin Sosial Müdafiəsi nazirliklərinin maliyyə və texniki dəstəyi ilə “Gənc Ana və Uşaqların Maarifləndirilməsi” İctimai Birliyi tərəfindən görmə qabiliyyəti zəif və məhdud uşaqlar üçün dil kursları və informasiya mərkəzinin açılışı olub.
AZƏRTAC xəbər verir ki, kitabxananın direktoru Şəhla Qəmbərova ölkəmizdə ana və uşaqlara, eləcə də əlillərə göstərilən dövlət qayğısından söz açıb.
Milli Məclisin deputatı Məlahət İbrahimqızı kitabxanada görmə qabiliyyəti zəif və məhdud uşaqlar üçün dil kurslarının açılmasını yüksək qiymətləndirib.
Türkiyənin “Birləşən ürəklər” ədəbiyyat dərnəyinin rəhbəri Yasemin Meydan, analar və uşaqlara əvəzsiz töhfə olan bu xeyirxah missiyanı alqışlayıb, uşaqların cəmiyyətə daha fəal inteqrasiyasına dil kurslarının böyük əhəmiyyəti olduğunu söyləyib.