MƏDƏNİYYƏT


"Eurochildbook-2015" adlı kitab sərgidə 40-dan çox ölkənin uşaq ədəbiyyatı nümayiş olunub

Bakı, 3 iyul, AZƏRTAC

Xəbər verdiyimiz kimi F.Köçərli adına Respublika Uşaq kitabxanası "Bakı-2015" birinci Avropa Oyunları ilə əlaqədar "Eurochildbook-2015" mövzusunda kitab sərgisi keçirib. Sərgidə 40-dan çox ölkənin uşaq ədəbiyyatı nümayiş olunub.

Mədəniyyət və Turizm Nazirliyindən AZƏRTAC-a bildirilib ki, Beynəlxalq Uşaq Kitabı Şurasının (İBBY) milli bölmələri tərəfindən (Finlandiya, Gürcüstan, Norveç, Sloveniya, Moldova, Rusiya və s.) idman mövzusunda kitabxanaya göndərilən kitabların nümayişi uşaqların çox xoşuna gəlib.

Hər gün Bakı məktəblərindən sərgiyə baxmağa çoxlu sayda uşaq gəlir. İlk Avropa Oyunları uşaqlara böyük sevinc bəxş edib. Sərgi zamanı onlar yarışlarla bağlı təəssüratlarını həmyaşıdları ilə bölüşür, Azərbaycan idmançıları tərəfindən qazanılan uğurlara sevinirdilər. Sərgi iştirakçılarına kitabxananın təsis etdiyi "Göy qurşağı" uşaq jurnalı və Avropa Oyunlarının rəmzi olan Nar şəkli və papaq hədiyyə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.