MƏDƏNİYYƏT


İlyas Tapdığın "Biblioqrafiya" kitabının təqdimatı olub

Bakı, 17 sentyabr, AZƏRTAC

Sentyabrın 17-də Bakı İdman Sarayında IV Bakı Beynəlxalq kitab sərgi-yarmarkası çərçivəsində tanınmış şair İlyas Tapdığın uşaq ədəbiyyatı xəzinəsindən "Biblioqrafiya" kitabının təqdimatı olub.

AZƏRTAC xəbər verir ki, Mədəniyyət və Turizm Nazirliyi və F. Köçərli adına Respublika Uşaq Kitabxanasının dəstəyi ilə çap olunan kitab ədibin anadan olmasının 80 illik yubileyi münasibətilə nəşr olunub.

Biblioqrafiyada Azərbaycan və rus dillərində materiallar xronoloji qaydada qruplaşdırılıb, bölmə və yarımbölmələr daxildə isə materiallar əlifba prinsipi ilə düzülüb. Vəsaitdən istifadəni asanlaşdırmaq məqsədilə sonda İlyas Tapdığın əsərlərinin və onun haqqında yazan müəlliflərin əlifba göstəricisi tərtib edilib.

Qeyd edək ki, İlyas Tapdıq müasir uşaq ədəbiyyatında özünəməxsus dəst-xətti olan uşaq şairlərindəndir. Bu sahədə xeyli uğurlu əsərlərin müəllifi kimi tanınan ədib uşaq ədəbiyyatımızın zənginləşməsində müstəsna xidmət göstərib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.