“8 MART” YATAĞINDA YENİ QUYU İSTİSMARA VERİLMİŞDİR
AZƏRTAC xəbər verir ki, ''Bulla'' Dəniz Kəşfiyyat Qazma İdarəsi Abşeron yarımadasının cənub-qərbində yerləşən ''8 Mart'' dəniz yatağında yeni quyu qazıb istifadəyə vermişdir. Hazırda quyu ''Azneft'' İB-nin N.Nərimanov adına NQÇİ tərəfindən istismar edilir. Dərinliyi 5767 metr olan quyudan sutkada 50-60 ton neft və 50 min kubmetr qaz hasil edilir. Qazma və mənimsəmə zamanı aparılmış geoloji və geofiziki tədqiqatların nəticələri göstərir ki, quyu işlək rejimə düşdükdən sonra hasil edilən karbohidrogenlərin həcmi ilkin debitdən də artıq ola bilər.
''8 Mart'' yatağının perspektivliyinə əmin olan mütəxəssislər burada daha 9 quyunun qazma nöqtəsini müəyyənləşdirmişlər.
Bölmənin digər xəbərləri
