MƏDƏNİYYƏT


F.Köçərli adına Respublika Uşaq Kitabxanasının 50 illiyi qeyd olunacaq

Bakı, 21 dekabr, AZƏRTAC

Dekabrın 22-də Beynəlxalq Muğam Mərkəzində F.Köçərli adına Respublika Uşaq Kitabxanasının 50 illiyi keçiriləcək.

Mədəniyyət və Turizm Nazirliyindən AZƏRTAC-a bildirilib ki, kitabxana fəaliyyət göstərdiyi 50 il ərzində ölkəmizdə uşaq ədəbiyyatının təbliği, uşaqlarda mütaliə vərdişlərinin yüksəlməsi üçün müstəsna xidmətlər göstərib.

1965-ci il yanvarın 1-də Azərbaycan SSR Nazirlər Sovetinin qərarı ilə M.Qorki adına kitabxananın fondu əsasında yaradılan F.Köçərli adına Respublika Uşaq Kitabxanası, hazırda respublikamızda fəaliyyət göstərən uşaq kitabxanaları üzrə elmi-metodiki mərkəz funksiyasını yerinə yetirir.

Beynəlxalq Uşaq Kitabı Şurasının üzvü olan F.Köçərli adına Respublika Uşaq Kitabxanası tərəfindən gənc nəslin hərtərəfli inkişaf etməsi və kamilləşməsi, uşaqlarda vətənpərvərlik hisslərinin daha da güclənməsi, təhsilə marağın artırılması məqsədilə “Göy qurşağı” adlı uşaq jurnalı təsis edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.