SİYASƏT


Azərbaycan ilə İran arasındakı hərbi əməkdaşlıq əlaqələrinin perspektivləri müzakirə olunub

Tehran, 22 yanvar, AZƏRTAC

Azərbaycan Respublikasının İran İslam Respublikasındakı səfiri Əli Əlizadə bu ölkənin müdafiə və Silahlı Qüvvələrə Dəstək naziri, general-mayor Məhəmməd Rza Aştiani ilə görüşüb.

AZƏRTAC xəbər verir ki, görüşdə Azərbaycanın və İranın dövlət rəhbərlərinin əlaqələrə göstərdiyi xüsusi diqqət vurğulanıb, iki ölkənin sıx münasibətlərindən məmnunluq ifadə olunub. Azərbaycan və İranın dost və yaxın qonşu ölkələr olaraq əməkdaşlığının bütün sahələrdə davam etdirilməsinin zəruriliyi qeyd olunub. Müdafiə, hərbi və hərbi-texniki sahədə gündəmdə olan məsələlərə toxunulub. Səmərəli əməkdaşlığın daha da gücləndirilməsi perspektivləri, qarşılıqlı səfərlərin təşkil olunması, təcrübə mübadiləsinin artırılması və birgə layihələrin icra edilməsi haqqında geniş fikir mübadiləsi aparılıb.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.