Bakıda Avropa bəstəkarlarının əsərləri səsləndiriləcək
Bakı, 25 yanvar, AZƏRTAC
Fevralın 8-də M.Maqomayev adına Azərbaycan Dövlət Akademik Filarmoniyasında Ü.Hacıbəyli adına Azərbaycan Dövlət Simfonik Orkestri konsert proqramı ilə çıxış edəcək.
Filarmoniyadan AZƏRTAC-a bildirilib ki, Xalq artisti Rauf Abdullayevin dirijorluq edəcəyi orkestrin solisti Aleksey Miltıxdir.
Konsertdə dünya şöhrətli bəstəkarlar Yozef Haydın “Simfoniya nömrə 92” və Edvard Elqarın “Violonçel və orkestr üçün konserti” əsərləri səsləndiriləcək.
Bölmənin digər xəbərləri
