Dmitri Peskov: Rusiya və Azərbaycan prezidentləri arasında etimada əsaslanan münasibətlər yaranıb
Moskva, 3 oktyabr, AZƏRTAC
Rusiya və Azərbaycan prezidentlərinin görüşlərinin yekunları olduqca müsbətdir.
Rusiya Prezidentinin mətbuat katibi Dmitri Peskov bu fikri AZƏRTAC-a müsahibəsində söyləyib. D.Peskov vurğulayıb ki, Rusiya Prezidenti Vladimir Putin ilə Azərbaycan Prezidenti İlham Əliyev arasında etimada əsaslanan tərəfdaşlıq münasibətləri ən mürəkkəb məsələləri müzakirə etməyə imkan verir.
“Buraya hansı məsələlər daxil olduğunu özünüz bilirsiniz”, - deyən Dmitri Peskovun sözlərinə görə iki ölkə arasında çoxşaxəli münasibətlər var. Kremlin rəsmi nümayəndəsi deyib: “Bizim ənənəvi ikitərəfli münasibətlərimiz olduqca çoxcəhətlidir, ölkələrimizin xalqları isə həqiqətən qardaş xalqlardır. Bizi birləşdirən ortaq tariximiz var və şübhə etmirik ki, bundan sonrakı tariximiz də ortaq olacaq”.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
