Emin Əmrullayev: Gürcüstanda azərbaycandilli məktəblər üçün kadr hazırlığı məsələsinə xüsusi diqqət ayrılıb
Tbilisi, 21 fevral, AZƏRTAC
Azərbaycan-Gürcüstan birgə universitetinin yaradılması, ikili diplomların verilməsi və tanınması məsələsi iki ölkənin müvafiq qurumları arasında müzakirə olunur.
AZƏRTAC xəbər verir ki, bu sözləri Azərbaycanın təhsil naziri Emin Əmrullayev jurnalistlərə açıqlamasında deyib.
Nazir qeyd edib ki, Gürcüstana səfəri zamanı azərbaycandilli məktəblər üçün kadr hazırlığı məsələsinə xüsusi diqqət ayrılıb. “Düşünürəm ki, bundan sonra iki ölkə arasında ali məktəblərin əməkdaşlığı ilə kadr hazırlığı prosesinə təkan veriləcək. Bu məsələlər texniki müzakirələr tələb edir, veriləcək qərarlar daha düzgün olmalıdır”, - deyə Emin Əmrullayev bildirib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
