"Sabah" "Zirə"ni darmadağın edərək liderliyə yüksəlib
Bakı, 5 sentyabr, AZƏRTAC
Futbol üzrə Azərbaycan Premyer Liqasında IV turun daha bir oyunu keçirilib.
AZƏRTAC xəbər verir ki, son çempion "Sabah" ilk 3 turda maksimum nəticə göstərən "Zirə"ni qəbul edib.
Görüş "bayquşlar"ın 5:0 hesablı qələbəsi ilə başa çatıb. "Sabah"ın heyətində Coy-Lens Mikels het-trik edib, digər 2 qolu isə Velko Simiç və Kristian Nvaçukvu vurublar.
Bu qələbə ilə xallarını 9-a çatdıran "Sabah" liderliyi ələ keçirib. Komandanın ehtiyatda daha bir oyunu var. Eyni xala malik "Zirə" 2-ci pilləyə geriləyib.
Günün son matçında "Neftçi" öz meydanında "Şəfa"nı sınağa çəkəcək.
Qeyd edək ki, IV turun əvvəlki matçlarında "Qəbələ" öz meydanında "İmişli"yə 2:1, "Şamaxı" isə Gəncədə "Kəpəz"ə 4:1 hesabı ilə qalib gəlib. Tura sentyabrın 6-da keçiriləcək 2 oyunla yekun vurulacaq.
Bölmənin digər xəbərləri
