Pirallahıda Beynəlxalq Ahıllar Günü qeyd edilib
Bakı, 2 oktyabr, AZƏRTAC
Beynəlxalq Ahıllar Günü münasibətilə Pirallahı rayonunda Vaqif Mustafazadə adına Mədəniyyət Mərkəzində tədbir keçirilib.
Rayon icra hakimiyyətindən AZƏRTAC-a verilən məlumata görə, tədbiri giriş sözü ilə açan Pirallahı Rayon İcra Hakimiyyəti başçısının müavini Vəzir Səfixanov rayonun yaşlı sakinlərinin sosial vəziyyətinin yaxşılaşdırılması sahəsində görülən işlər və bu sahədə həyata keçirilən tədbirlər barədə məlumat verib.
Rayon Ağsaqqallar Şurasının sədri Fazil Məhəmmədov icra hakimiyyətləri, əmək kollektivləri, ictimai təşkilatlar və qeyri-hökumət təşkilatlarının rayonda yaşayan ahıl vətəndaşların ehtiyaclarını öyrənərək onlar üçün bayram süfrələri, ərzaq bağlamaları təşkil etdiyi, müxtəlif xeyriyyə, şəfqət və mədəni-kütləvi tədbirlərin həyata keçirilməsi barədə danışıb.
Tədbirdə iştirak edən ahıllar onlara göstərdikləri diqqətə görə ölkə rəhbərliyinə minnətdarlıqlarını ifadə ediblər.
Bayram süfrəsi ətrafında keçirilən tədbir maraqlı konsert proqramı ilə davam edib.
Bölmənin digər xəbərləri
