DÜNYA


SƏLANİK ŞƏHƏRİNDƏ QƏDİM MƏQBƏRƏ AŞKAR EDİLMİŞDİR

AZƏRTAC xəbər verir ki, Yunanıstanın Səlanik şəhərində metro tikintisi zamanı qədim məqbərə aşkar edilmişdir.

Ölkənin Mədəniyyət Nazirliyinin məlumatına görə, məqbərədə qadın skeleti və bahalı dəfn əşyaları: dörd qızıl çələng və yarımqiymətli daşlarla bəzədilmiş it başları şəklində qızıl sırğalar tapılmışdır.

Bundan başqa, məqbərədə altı qab, tunc güldan və güzgü, habelə içində qadın dəfn olunmuş taxta tabutun qalıqları aşkar edilmişdir.

Tapıntılar eramızdan əvvəl III əsrə, yəni ellinizm, Roma və Bizans dövrlərinin mərkəzi olmuş Səlanik şəhərinin əsasının qoyulduğu dövrə aiddir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.